IPL 2025 Final: आरसीबी आणि पंजाब किंग्स यांच्यात अंतिम लढत होईल

🕒 1 min read

मुंबई : आयपीएल 2025 (IPL 2025) च्या प्लेऑफ लढतींमध्ये रंगत वाढली असताना, माजी क्रिकेटपटू रॉबिन उथप्पा याने अंतिम फेरीसंदर्भात मोठं भाकीत केलं आहे. पंजाब किंग्स आणि रॉयल चॅलेंजर्स बंगळुरु हे दोन संघ आयपीएल 2025 च्या अंतिम सामन्यात भिडतील, असा ठाम विश्वास उथप्पाने व्यक्त केला आहे.

प्लेऑफ गणित:

साखळी फेरीतील अखेरचा सामना आरसीबी आणि लखनौ सुपर जायंट्स यांच्यात होत आहे. या सामन्याचा प्लेऑफवर थेट परिणाम नसलाही, टॉप 2 मध्ये स्थान मिळवण्यासाठी आरसीबीला विजय मिळवणं अत्यावश्यक आहे. पंजाब किंग्सने आधीच टॉप 2 मध्ये प्रवेश मिळवला असून, मुंबई इंडियन्स एलिमिनेटर खेळणार आहे.

IPL 2025 Final: RCB and Punjab Kings will face each other in the final

उथप्पाचं भाकीत:

रॉबिन उथप्पा म्हणतो, “पंजाब किंग्सची फलंदाजी मजबूत आहे, अर्शदीप सिंगची गोलंदाजी प्रभावी आहे. त्यामुळे मोठ्या सामन्यांमध्ये ते चमकतील अशी अपेक्षा आहे. मला विश्वास आहे की आरसीबी आणि पंजाब किंग्स अंतिम सामन्यात आमनेसामने येतील.”

आरसीबीच्या ताकदीचं कौतुक:

उथप्पा पुढे म्हणतो, “जोश हेझलवूड संघात परतल्याने संघ अधिक मजबूत झाला आहे. तर विराट कोहलीला चेस मास्टरची भूमिका बजावावी लागेल. जर तो अखेरपर्यंत खेळला, तर विरोधी संघ निश्चितच दबावात येईल.”

नवा आयपीएल विजेता होणार?

आरसीबी आणि पंजाब किंग्स या दोघांनीही अद्याप आयपीएल ट्रॉफी जिंकलेली नाही. त्यामुळे हे दोघं अंतिम फेरीत भिडले, तर आयपीएल इतिहासात यंदा एक नवा विजेता मिळण्याची खात्री आहे.

📌 महत्वाच्या बातम्या

• “तुमच्याकडे सगळं आहे, पण काय नाही ते माहीत नाही!”; नाना पाटेकरांचं अमिताभ बच्चन यांना उत्तर
• थोडक्यात वाचली जिनिलिया, कारमध्ये बसण्याआधीच ड्रायव्हरनं कार चालू केली अन्…
• भीमा नदीला पूर; बारामती व दौंडमध्ये शेतीचे नुकसान, पाभे गावाचा संपर्क तुटला