🕒 1 min read
अहमदाबाद : आयपीएल 2025 (IPL 2025) स्पर्धेच्या क्वॉलिफायर 2 फेरीत पंजाब किंग्सने मुंबई इंडियन्सचा 5 गडी राखून पराभव करत अंतिम फेरी गाठली. मुंबईने विजयासाठी दिलेलं 204 धावांचं लक्ष्य पंजाबने अवघ्या 19 षटकांत पार करत नवा इतिहास रचला.
पंजाब किंग्सने 11 वर्षांनंतर आयपीएलची अंतिम फेरी गाठली आहे. याआधी 2014 मध्ये त्यांनी अंतिम फेरी गाठली होती, मात्र तेव्हा त्यांना उपविजेतेपदावर समाधान मानावं लागलं होतं.
IPL 2025: Punjab Kings’ historic victory
या सामन्यात पंजाबच्या फलंदाजांनी जबरदस्त कामगिरी करत प्लेऑफमध्ये 200 हून अधिक धावांचा यशस्वी पाठलाग करणारा पहिलाच संघ होण्याचा मान मिळवला. या सामन्यात कर्णधार श्रेयस अय्यरच्या नेतृत्वात संघाने मुंबई इंडियन्सविरुद्ध 204 धावांचा विक्रमी पाठलाग यशस्वी केला.
ही केवळ पंजाब किंग्सची मुंबई इंडियन्सविरुद्ध 200+ धावांचा पाठलाग करताना पहिलीच विजयश्री होती. विशेष म्हणजे, पंजाब किंग्सने आयपीएलमध्ये आठ वेगवेगळ्या संघांविरुद्ध 200 पेक्षा जास्त धावांचा पाठलाग यशस्वी केला आहे, जे कोणत्याही संघाला जमलेलं नाही.
तसंच, आयपीएल 2025 मध्ये पंजाब किंग्सने 9व्या वेळेस 200 हून अधिक धावांचा यशस्वी पाठलाग केला असून, एका हंगामातील सर्वाधिक 200+ रन चेसचा हा विक्रम आहे.
📌 महत्वाच्या बातम्या
- संतापजनक आणि धक्कादायक! परळी वैद्यनाथ मंदिराच्या नवीन दर्शन मंडपातच शिजवले मटण
- Nashik Kumbh Mela : या दिवशी पहिले ‘शाही स्नान’; 31 ऑक्टोबरपासून कुंभमेळा पर्वाला होणार सुरुवात
- अखेर आनंदाचा दिवस आला! ‘बिग बॉस मराठी’ फेम सूरज चव्हाणचा झाला साखरपुडा? पण…..
बातम्यांसाठी YouTube चॅनेल Subscribe करा
Subscribe Now
