प्रतिनिधी, 14 ऑक्टोबर: हिंदी चित्रपटसृष्टीत अशी काही गाणी आहेत, ज्यांची भुरळ अनेक दशकांनंतरही प्रेक्षकांवरून उतरलेली नाही. यापैकीच एक म्हणजे १९८० मध्ये प्रदर्शित झालेल्या 'कुर्बानी' चित्रपटातील 'लैला ओ लैला' हे गाणे. केवळ या गाण्याचे संगीत ऐकले तरी लोक वेडे होतात. गेल्या ४६ वर्षांपासून या गाण्याची प्रेक्षकांमध्ये प्रचंड क्रेझ कायम आहे.
या गाण्यात अभिनेत्री झीनत अमान यांनी पांढऱ्या गाऊनमध्ये केलेला घायाळ करणारा लूक आजही चाहत्यांच्या स्मरणात आहे. झीनत अमान त्यांच्या आधुनिक फॅशन आणि बोल्ड अंदाजासाठी नेहमीच ओळखल्या जायच्या. या गाण्यात त्यांच्या ग्लॅमरस अंदाजासोबतच अभिनेते अमजद खान यांचे ड्रमवादन आणि फिरोज खान यांच्या दमदार उपस्थितीमुळे या गाण्याला प्रचंड लोकप्रियता मिळाली.
झीनत अमान यांचा हा ग्लॅमरस लूक साकारण्यात सुंदरी खान यांचे अत्यंत महत्त्वाचे योगदान होते. सुंदरी या फिरोज खान यांच्या पहिल्या पत्नी होत्या. झीनत यांना आधुनिक पद्धतीचे कपडे परिधान करण्यासाठी त्यांनीच प्रोत्साहन दिले होते.
या गाण्याची लोकप्रियता इतकी अफाट होती की, शाहरुख खानच्या 'रईस' या चित्रपटामध्येही 'लैला मैं लैला' या नव्या ढंगात ते पुन्हा एकदा सादर करण्यात आले. 'लैला ओ लैला' हे आजही हिंदी चित्रपटसृष्टीतील सर्वात गाजलेल्या गाण्यांपैकी एक मानले जाते.
