शिवसेना पक्ष आणि चिन्हाबाबत आज सर्वोच्च न्यायालयात सुनावणी; दुपारी २ नंतर होणार कामकाज

प्रतिनिधी, 14 ऑक्टोबर: शिवसेना पक्ष आणि चिन्हाच्या वादावर आज सर्वोच्च न्यायालयात पुन्हा महत्त्वाची सुनावणी पार पडणार आहे. दुपारी २ वाजेनंतर सरन्यायाधीशांच्या पीठासमोर ही सुनावणी होईल. या प्रकरणाची सुनावणी ३० ऑक्टोबरपर्यंत पूर्ण करण्याचे संकेत न्यायालयाने यापूर्वीच दिले होते.

दुसरीकडे, मुख्य निवडणूक आयुक्त ज्ञानेश कुमार यांच्या विरोधात छत्रपती संभाजीनगरमध्ये काँग्रेसच्या वतीने आज धडक मोर्चा काढण्यात येणार आहे. दुपारी १२ वाजता पैठण गेट ते विभागीय आयुक्त कार्यालयापर्यंत जाणाऱ्या या मोर्चामध्ये काँग्रेस अध्यक्ष हर्षवर्धन सपकाळ, विजय वडेट्टीवार, खासदार कल्याण काळे आणि खासदार रवींद्र चव्हाण सहभागी होणार आहेत. तसेच, दुपारी १२ वाजता सह्याद्री अतिथीगृहावर राज्य मंत्रिमंडळाची बैठक होण्याची शक्यता आहे.

दरम्यान, दिल्लीतही मोठ्या घडामोडी घडत असून पोलिसांनी सीजेपीच्या महत्त्वाच्या कार्यकर्त्यांना अटक केली आहे. याच पार्श्वभूमीवर अभिजीत दिपके सकाळी नागपूर विमानतळावरून इंडिगो विमानाने दिल्लीला रवाना होणार आहेत. कोल्हापूरमध्ये राजू शेट्टी यांचे स्वीय सहाय्यक स्वस्तिक पाटील यांचा वाहनांना वाट करून देण्याच्या मुद्द्यावरून कर्नाटक पोलिसांसोबत वाद झाल्याची घटना समोर आली आहे.

राज्याच्या विविध भागांत बिबट्याच्या मुक्त संचारामुळे नागरिकांमध्ये भीतीचे वातावरण आहे. भोर तालुक्यातील करंदी-कामथडी परिसर आणि आंबेगाव तालुक्यातील पहाडदरा मार्गे अवसरीकडे जाणाऱ्या घाट रस्त्यात बिबट्याचे वारंवार दर्शन होत आहे. पालघर शहराच्या पूर्वेकडील नवली परिसरातील मानवी वस्तीजवळही बिबट्या आढळून आला आहे.

तसेच, राज्यातील औद्योगिक प्रशिक्षण संस्थांमध्ये (आयटीआय) लवकरच पेटकेअरविषयक (पाळीव प्राण्यांची काळजी घेणे) विशेष अभ्यासक्रम सुरू होणार आहेत. पुण्याच्या पेटकेअर एज्युकेशन अँड ट्रेनिंग संस्थेच्या धर्तीवर मुंबईतही अशी संस्था सुरू करण्यासाठी कौशल्य विकास मंत्री मंगलप्रभात लोढा यांनी पुढाकार घेतला असून, यामुळे या क्षेत्रात रोजगार आणि स्वयंरोजगाराच्या नव्या संधी उपलब्ध होणार आहेत.

📌 महत्वाच्या बातम्या

• काम आपण करतो पण ज्ञानेश कुमारांच्या कृपेने दुसरेच निवडून येतात; जेजुरीत शर्मिला ठाकरेंचे मोठे विधान
• पंतप्रधान नरेंद्र मोदी इतके कमकुवत नाहीत; ED कारवाई आणि शोच्या वादावर शेखर सुमन यांचे स्पष्टीकरण
• Drishyam 3 Box Office Collection: अजय देवगणला लॉटरी; १२ व्या दिवशीही ५०० कोटींच्या कमाईसह बॉक्स ऑफिसवर धुमाकूळ